·
好老土果句野叫“走出舒適圈”,但好多人都知其實個舒適圈唔係太舒適，佢只係用黎困住自己既一個熟識既生活方式。
查實好多人心裏都知道自己需要改變，但要行果一步係需要勇氣，因為隨住改變，會有新既野得到，但同時意味住會有舊既野要放手。對於放手呢樣野其實好多人做唔到，話係習慣，話係念舊，話係有感情，但其實都係因為有太多未知，導致欠缺安全感，一放開左就覺得好空虛好驚。
記得之前有人同我講，佢話當時既生活好辛苦，被好多人情緒勒索，雖然佢知道改變係好事，但如果要做到愛自己，做對自己有益既事，佢整個朋友圈會無曬。我話到時就會自然遇到適合佢新生活既朋友，但佢好唔想放開，零願繼續所有唔健康既關係。
呢個情況係當事人知道自己要做乜，但未能放手。療癒師只能夠將呢粒作出改變既種子放響佢既心，等時間到既時候（通常係忍無可忍到臨界點既時候），令佢醒起自己可以點做，大大力咁踏出果一步。當然啦，唔係踏一步就得，但無呢一步就一定唔得。
#舒適圈 #頌缽 #靈氣 #靈魂療癒 #sekhem
