·
有次幫一位朋友做埃及靈氣Sekhem，幾日之後，佢突然話想紋身。
呢件事係超級神奇，因為平時佢係一個好憎人紋身嘅人，響街見到啲人紋咗身，係會碎碎念，話無啦啦畫花自己一啲都唔好，又唔係靚，唔知為乜....(下刪一萬字)，依家突然話想紋身。佢仲捉我去搵紋身店，睇下啲價錢同埋有乜花樣。最後佢因為怕皮膚過於嬌嫩，會敏感或有其他問題，係唔成事嘅，但至今佢對於紋身呢件事，仍然蠢蠢欲動。
我覺得呢個係一個幾好笑嘅例子，可能佢根本係對紋身好有興趣，但基於唔知邊度得來嘅『限制性信念』，佢表面上好反感，但骨子裡好想紋身。做咗Sekhem之後，呢個信念移除咗，佢終於獲得紋身自由。
好多人做埃及靈氣，做完後係有啲信念完全轉變，佢哋自己係未必會發覺，但身邊人就會發覺。無論如何，『限制性信念』呢樣嘢，無謂攬住響身，移除咗係向自由邁進一步。如果你準備好改變，可以做（Sekhem）古埃及靈氣療癒，幫助您移除障礙。
