有好多人對頌缽療癒好好奇，但又帶點怕，原因係頌缽響佢哋心中係一種西藏法器，亦唔知道療癒師會響佢哋身上攪啲乜，所以有啲緊張。
其實頌缽並唔係法器，響西藏黎講喇嘛頂多係用佢黎做冥想，唔係用黎招靈，而且西藏係唔興用頌缽黎做療癒。
頌缽之所以會成為療癒既工具，係幾十年前有西方人去喜馬拉雅山一帶，發現佢哋用黎保存食物既碗，竟然有咁大既療癒作用，先至發展出頌缽療癒。生産頌缽同提供教學、療癒既國家主要係尼泊爾，其次係印度。
頌缽既震頻同泛音，可以物理性地快速令腦波降低，做到放鬆效果，個人會立刻靜落黎，只要有一刻靜落嚟，人停止將能量供給恐懼，就有機會截斷呢個不良既無限loop。
人之所以有病，大部份原因係情緒影響，情緒造成能量阻塞，病痛就出現，而身體吸收震頻，可以將情緒積聚響身體既阻塞打通，有啲療癒師甚至係對準穴位打落去，當針灸咁用。下次再講乜嘢部位有阻塞會導致乜病。