·
之前到醫院辦文件的時候，同行有位做中醫嘅表弟，由於佢有學氣功，對能量療癒都有D興趣，於是同佢試下做臼井靈氣，睇下有咩嘢感覺，佢認為臼井靈氣係一種好柔和嘅氣，係舒服嘅，一放落去就由一邊身運行到另一邊身。
跟住再試下埃及靈氣，佢話埃及靈氣嘅感覺係比較澎湃，強力。咁的而且確療癒比較嚴重嘅病，我哋會用埃及靈氣。通常一遇到能量敏感嘅人，我都會搵佢哋試一試兩種靈氣嘅分別，而佢哋所形容嘅都好相似。
然後佢提到之前幫人做正骨既時候用錯力，扭到手腕，我就用埃及靈氣療癒一下，一放落去手腕就有反應，而佢嘅反應比較特別，出現氣動，係能量流動嘅一種現象。
手腕向上向下屈曲，好用力下，係屈到盡響度震果隻，下手臂都有做屈曲伸展動作。全程做咗大概3分鐘，佢感覺到手腕活動嘅幅度大咗。第二日再問下佢嘅情況，佢話活動自如咗，仲話醫生嘅意見係好中肯嘅。
我好感謝宇宙永遠響我迷茫嘅時候，就為我帶嚟一啲肯定。