·
之前講過疾病嘅原因係情緒嘅堵塞，呢D堵塞係由你未出世嘅時候，響媽媽肚裡面已經開始，甚至係前世時已經存在，一D未療癒嘅創傷，由你嘅靈魂帶著，由你嘅DNA帶著。我哋唔講前世住，講下現世最常見有邊D堵塞出現。
相信幾乎每一個人都試過因為激氣，因為有說話講唔出口，費事講，唔敢講，唔想講，唔可以講。。。長期壓抑自己，唔想向其他人呈現脆弱嘅自己，怕失敗，無真實咁自我表達，於是感到迷惘焦慮沮喪（眉心輪），個心會翳住（心輪），有人會胃痛肚屙（太陽神經叢），覺得個喉嚨頂住（喉輪），一次過幾個地方唔舒服，你回想下有冇試過？
如果阻塞太嚴重的話，身體會用佢嘅方法話你知，叫你認真面對處理。抑壓得耐嘅情緒，憤怒，悲傷，悔疚，響你嘅皮膚同唔同嘅器官上表現出來。好多人踩低自己，不斷容忍某D人事物，就出現皮膚病。對自己要求嚴格，對好多嘢都感到憤怒，易有肺部問題。絕不示弱，害怕暴露弱點，拒絕同其他人有心靈上連結嘅人，容易心臟有問題。
身心靈上嘅療癒其實係做乜嘢？對我嚟講，唔止係用個缽嚟幫你震開D阻塞，唔止係用靈氣嘅光幫你清理，而係進行一種啟蒙，讓人能夠與自己同身邊嘅人和解，釋放唔再需要嘅能量同埋真正放下。我哋唔會好似按摩咁問你今日做幾多part，唔會較個鬧鐘，個鐘響咗就做完。唔會叫你買七條水晶柱擺個陣，再買多一打聖木密密燒。
我哋會聆聽你嘅說話，無批判，你願意分享乜嘢都會同你傾，所以好多時療癒後嘅傾偈時間係長過療癒時間好多。
＃靈氣 ＃頌缽 #singingbowl #sekhem #天使靈氣 #直傳靈氣 ＃曼陀羅 #聆聽 #傾偈 #身心靈